ភ្នំពេញ៖ ពិធីមង្គលការចៅស្រីរបស់លោក ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី០៥ ខែធ្នូ ឆ្នាំ២០២២ នៅភូមិគ្រឹះដ៏ស្កឹមស្កៃ និងប្រណិតដែលលម្អទៅដោយផ្កាចម្រុះពណ៌ បានប្រារព្ធឡើងក្រោមវត្តមានសម្តេចតេជោ ហ៊ុន សែន មន្ត្រីជាន់ខ្ពស់ និងអ្នកអភិជនជាច្រើនរូបទៀត។ 

ពិធីមង្គលការបែបកូនអភិជននេះបានធ្វើឱ្យអ្នកលេងក្នុងបណ្តាញសង្គមនានានិយាយមិនដាច់ពីមាត់ថាការរៀបចំតុបតែងពិតជាស្រស់ស្អាតដូចជានៅឋានសួគ៌អ៊ីចឹង។ អ្វីដែលធ្វើឱ្យមហាជនកាន់តែចាប់អារម្មណ៍ថែមទៀតនោះគឺ វត្តមានអ្នកចូលរួមគឺសុទ្ធតែជាកូនអភិជនដែលមានរូបសម្រស់ស្រស់ស្អាត ហើយការតុបតែងខ្លួនលម្អសុទ្ធតែគ្រឿងអលង្ការដែលមានតម្លៃខ្ពស់។ 

ជាក់ស្តែងមហាជនអ្នកអ្នកបណ្តោញសង្គមបាននាំលាន់មាត់សរសើរថាកូនស្រីអគ្គស្នងការរងនគរបាលជាតិ លោកឧត្តមសេនីយ៍ឯក យឹម លាង មានភាពស្រស់ស្អាត មិនចាញ់បវរកញ្ញាឡើយ។ គ្រឿងអលង្ការដែលលម្អនៅលើតួខ្លួនរបស់កូនស្រីអភិជនរូបនេះគឺមានតម្លៃរាប់ម៉ឺនដុល្លារឯណោះ។  

បន្ថែមពីនេះ ចៅស្រីសម្តេចតេជោ ហ៊ុន សែន និងកូនស្រីអភិជនជាច្រើនរូបទៀតដែលមានវត្តមាននៅក្នុងមង្គលការនោះដែរ ក៏ទទួលបានការចាប់អារម្មណ៍ច្រើនពីមហាជនអ្នកលេងបណ្តោញសង្គមផងដែរ៕

Credit; JC's Signature